رواية هبيئة قلب للكاتبة سلمي سمير

اصالحك اعملك ايه ما انت سبت البيت قبل ما ارجع واصالحك وافهمك عملت كده ليه
مازن يمسك ودنها با خايبه انت ناسيه ان اختي عندكم واكيد هنزل ازورها يعني لو ما استعجلتي كان بكره او اخر السبوع بالكتير وتلجيني عندكم وانا اللي بصالحك
حلا اه صحيح بس انت بتتكلم بجد كنت هتجي تصالحني
مازن ايوه اسمعي بجي اللي هجوله بكره هتجضي اليوم معايا وهفسحك وهعوضك وهصالحك تاني برضك وهاخد ك اوصلك لمصر اخر اليوم وابات وارجع تاني يوم بس جدي يوافج لكن جوليلي ليه جدي جال انك سافرتي ولا متفجه معاه عليا بس هو يعرف منين اني هرجع اليوم بالذات
حلا تضحك وتخبط ايدها في صدري من غير ما تحس من ضحكها ويبصلها ويمسكها ايدها اعجلي وقولي بتضحكي ليه
اصل اول ما جدي شافني راجعه مع ابوك قالي ....فلاش باك
الجد ادخلي يا بت فتحي كنت عارف انك ما هتقدريش تسافر وانت متخانجه مع مازن اللي بسببك طفش من الدار
بس متجلجيش هيعاود اليوم بعد ما يتاكد انك سافرتي
حلا بجد يا جدي هيرجع اصل خاېفه بابا يجي ياخدني واسافر قبل ما اشوفه 
الجد يحضنها عارفه احلي ما فيكم انتي ومازن عشجكم لبعض علشان اكده اصريت تتجوزو بدري لكنك ماسكه في العلام وهو عام علي عومك علشان يرضيكي يا بت غاليه
خليل خلاص يا بوي انت اكده بتكسفها حكاية حبهم الكل حاسس بيها وربنا يجمعهم علي خير ان شاء الله
الجد عارفه يا حلا انا هعملك فرح سبوع بطوله لانكم اغلي اتنين علي جلبي وبالذات مازن هيبجي الكبير بحج لانه راجل
بجد وكمان شخصيته جويه وانسان ناجح وانتي زيه بالظبط
حلا ربنا يخليك ليا يا جد وما اتحرم من عطفك عليا انا هطلع اوضتي وهستناه انا كمان حساه هيرجع النهاردة
الجد اطلعي وانا هستناه ولما يسال عليكي هجوله انك سافرتي علشان تعمليله مفاجاءه بس اوعي تخضيه فاهمه
حلا حاضر يا جدي وتسلم عليه وتطلع ..... باك
مازن يعني اكده ماشي يا جد لما اشوفه الصبح هو ده بجي الموضوع اللي عايز يحديتني فيه الصبح صوح
حلا ايوه هو ده مازن انت وحشتني اوووي
مازن حلا خدي شيطانك ومشي من اهني والصبح لينا حديت كتير وفسحه حلوه كمان ما راح تنسيها لحد ما نتجوز
حلا حاضر هاخد شيطاني واحبسه لحد ما نتجوز تصبح علي خير يا حبيبي وتطلع بره اوضته
مازن وانتي من اهل الخير يا حبة الجلب من جوه ويعطيها بوسها في الهواء وهي تاخدها وتطير من الفرحه وتروح اوضتها ومن تحت يبص الجد لولده خليل صدجتني اللي بينهم عشج روح مش جسد وولدك راجل بجد وحلا ست البنته كلهم فهمت ليه جولتلك متخافش عليها منه
وفي الصباح ينزل مازن لجدها وامهم تشوفه تستغرب رجوعه
امتثال والله كنت حسا انك هربان وزعلان من حلا علي فكره هي كمان مسافرتش ورجعت علشانك وابوها يمكن يجي بكره ياخدها مبطلش يتصل جلجان جوي عليها مخبراش ليه
مازن عارف يا اماي وانا هخدها واسافرها النهاردة واروح ابارك لخيتي في بيتها ولا مش واجب علي
امتثال لا يا حبيبي واجب اتوحشت مريم كتير ماخبراش كيف هصبر علي بعادها لحد الاجازه
مازن كلها شهور وحلا هتاخد مكانه بالدار ولا ايه رايك
امتثال تعالي يا حلا كنا لسه بسيرتك حبيبة قلب خالتها
حلا صباح الخير يا خالتي هو جدي صحي ولا لسه
الجد جدكم صاحي من بدري ها اتصالحتو ولا اصالحكم انا
مازن اتصالحنا يا جدي لجيتها في اوضتي بليل خلعتني بس انا وعدتها افسحها اليوم واخدها وانزل بيها مصر اخر النهار
الجد موافج خد دلع خطيبتك وهات هدايا لخيتك وانت داخل عليها في بيتها اول مره وهستناك تعاود بكره ما تتاخرش هناك في شغل كتير اهملته من يوم جوز خيتك 
مازن يبوس يد جده حاضر يا جدي من عيوني وتروح حلا
تبوس يد جدها وتسلم علي خالتها وعمها وولاد عمها وياخدها مازن في دراعه ويركبو العربيه والجد هتوحشيني ياعروستنا
وحلا تشاور ليهم بايده سلام ومازن ياخدها وينزل بيها 
الاقصر يقضو اليوم في العب والمرح وتحس بسعادة الدنيا محوطاها وهي معا مازن اللي كان طاير بيها طير لكن دايما لقاء الاحبه وقته قصير ويعدي اليوم بسرعه ويروح بيها للمحطه ويطلعو القطار وحلا تحس بسعادة انها قضت اليوم مع حبيب قلبها وتقعد جمبه وتريح علي كتفه وهو ياخدها في باطه وترتاح وتغمض وتنام علي دقات قلبها كانها جوه وتمر ساعات ويصحيها مازن بهدوء وحنان 
مازن حلا اصحي احنا وصلنا يلا يا جمر فوجي اكده
حلا عارف نفسي القطار يفضل مسافر وميقفش ابدا مش عايزه اوصل لاي حته غير وانا معاك واوصلك انت وبس
مازن متصعبيش عليا فراجك والله اخدك واعاود الصعيد واخلي جدي يجوزنا في وجتها واللي يوحصل يوحصل ايه رايك
حلا موافجه يلا بينا مش عايزه ابعد عنك تاني خلاص
مازن انا جولت مجنونه ابعدي شيطانك ده لجتله دلوجيت
حلا تضحك بقي كده