رواية( لست افهمك)
" كنتي فين ؟
لم ترد عليه و تفادته... امسك يدها و اوقفها
" بقولك كنتي فين ؟؟
' كنت بخو*نك...
" ايه !!
' معقول صدقت ؟ ليه مفكرني ايه ؟
" على فكرة... كلامك معايا بقا لا يُطاق...
' المفروض اتكلم معاك ازاي ؟
" زي الناس... انا جوزك...
' يادي كلمة جوزي اللي لازقة في لسانك ده و مش بتقول غيرها... اوصلهالك ازاي ؟
" انا جوزك ڠصب عنك يا رنا... كان مفروض تستأذني مني قبل ما رجلك تخطي بره...
' قولتلك يا آسر... ملكش كلمة عليا !!
قالتها ثم سحبت يدها من يده و دخلت... دخل آسر و ذهب ورائها... قبل ان تغلق باب الغرفة دخل آسر و اغلق الباب عليهم...
" رنا بسألك لآخر مرة... كنتي فين من الصبح ؟!
' عايز تعرف انا كنت فين ؟
" ايوة عايز اعرف...
' كنت بدور على وظيفة...
" ليه ؟
' ليه !! و كمان بتسأل ؟! هتعمل نفسك من بنها و مش عارف بس انا هقولك... كنت بدور على وظيفة عشان اخرج انا و اخويا من البيت و تطلقني...
" مفيش طلاق يا رنا... هتفضلي هنا...
' لا همشي و هتطلقني...
" طب لقيتي وظيفة ؟
' لا ملقتش... بس هدور تاني و تالت و رابع لغاية ما اطلع من تحت تحكمك فيا بسبب علاج ياسين...
" بصي انا سايبك تقولي اللي انتي عيزاه و ساكت و بعمل نفسي مش سامع حاجة... لكن انتي كل مرة بتتمادي اكتر من الأول... انا مش سا*جنك ولا بتحكم فيكي... طالما مفكرة ان بعالج ياسين على حسابي بسبب انك مراتي تبقي غلطانة... انا بساعده في علاجه لاني بحبك !!
' بس انا مش بحبك...
" كذابة و بتضحكي على نفسك... انتي هتو*لعي من جوه و من بره كمان بعد ما عرفتي انك مش أول بنت احبها... مش قادرة تتقبلي اني كنت متجوز قبل كده...
' و مش هتقبل... تعرف ليه ؟ لو كنت قولتلي قبل ما تتجوزني انك كنت متجوز... مكنتش هوافق اتجوزك اطلاقًا...
" ايه السبب ؟
' لاني مش انا البنت اللي تتجوزها عشان تنسى بيها الأولى...
" بس انا منستهاش بيكي... انا طلقتها من 3 سنين و نسيتها فورًا...
' لا واضح...آسر انا شايفة كلامي معاك ضياع لوقتي مش اكتر... روح اقعد مع ابنك... تلاقيه بدأ يسنن
