رواية خبيئة قلب للكاتبة/ سلمي سمير
وتغطي وتنامي وتحاول تلم شتات نفسها
وتاخد عهد علي روحها تبعد نفسها عنه علشان ميهنهاش اكتر من كده ويرخصها ويستحقرها اكتر من كده ودموعها تنزل بغزارة تغسل ذنوبها
وهناك في انجلترا بعد ما يوصل محمود للبيت بيومين تلاحظ حلا انه متغير معاها وبقي يتجنب الكلام وياها اللي من سؤاله عن ابنه وتصر انها تسهر وتفضل مستنياه بالساعات علشان تفهم منه ليه بقي يعاملها بجفاء كده من يوم رجوعه
وبعد ساعتين يرجع محمود من شغلها وهو مهموم وحزين
ويلاقي حلا صاحيه يستغرب ايه مسهرها ويسالها
محمود حلا انتي سهرانه ليه وفين مازن تعبان ولا ايه
حلا لا بعد الشړ عليه هو بخير وكلها ساعه ويصحي لرضعته انا سهرانه علشانك مستنياك عايزه اتكلم معاك ممكن
محمود طيب اصبري عليا اخد نفسي وامسي علي مازن حبيب قلبي الاول واجيلك ويدخل يغسل وشه ويقلع الجاكت ويشوف ابنه يلاقيه نايم يوطي يبوسه ويغطيه ويخرج لحلا ها معاكي بس طمنيني العملية لسه تعباك ولا الالم خف
حلا لا الحمد لله الالم خف خالص ده من اسبوعين وزيادة لسه فاكر المهم انت ايه مغيرك معايا من يوم ما رجعت من مصر حصل ايه هناك خلاك غيرت اسلوبك معايا هو بابا طلب منك حاجه تاني زعلتك ولا مازن قالك عني حاجه ضايقتك
محمود پغضب ومازن هيقولي ايه هيضايقني منك
حلا معرفش انا بسالك انت مش عايز تقولي اتكلمتو في ايه
محمود ليه هو في حاجه حصلت بينكم غير اللي قولتيلي عليها ولا انتي لسه مخبية عنا حاجه تاني
حلا تستغرب اسلوب محمود معاها مش ده محمود الحنون الطيب اللي كان بيعاملها بكل رقه وادب معقول يكون شاكك فيها وفي اخلاقها ويضرب الدم في نفوخها انتي قصدك ايه
محمود يعني تكون حاجه حصلت بينك وبين مازن وخاېفة اعرفها انها يكون لمسك مثلا او حاول معاكي باي طريقه
حلا اخرص مازن اشرف من الشرف وعمرها ما فكر يستغل حبي ليه بالعكس كان بيحمني من نفسي وانا قولتلك ان اللي كان بينا حب طاهر انت بكلامك ده بتتهمني في شرفي اللي هو شرفك واللي كله كان علي ايدك وقدام عينك وانت عارف كويس اني شريفه وحافظت علي نفسي كويس
محمود انا واثق في شرفك وطاهرتك وعارف ان مازن شريف وراجل شهم ده حاجه واثق فيها بس كلامه عنك ميقولش كده خالص وقلقني بجد
حلا مازن قال عني ايه انطق قال ايه
محمود قال انك بالنسباله مرات اخوه وبس وحبك ماټ في قلبها شكيت انه يكون زهد فيكي وماصدق خلص منك
حلا اسمع انا مش هسمحلك تهيني اكتر من كده وانا مش هعيش معاك تاني طلقني يا محمود مدام شاكك فيا
وتدخل اوضتها ويدخل وراها سامحيني انا جوزك وليا حق اغير انتي مراتي يا حلا بطلي زعل بقي ويلفها ليه
والولد ېصرخ وتجري حلا وتسيبه معلش ده ميعاد رضعته
خلاص يا محمود محصلش حاجه روح خد شاور علشان تنام
محمود بجد طيب ويشوفها بترضعها يبوس راسها حقك عليا ويروح ياخد شاور ويخرج لابس شورت ويدخل سريره
يراها نايمه في سريره برقد بجوارها ويهمس في أذنها وحشتيني موووت يا حبي ومشتاق ليكي اوووي
تضحك بدلع ودلال مينفعش لسه كتير عليك لحد الاربعين كده
محمود والله كده حرام يعني هو انا لو نزلت دلوقتي ادلع نفسي واشوف حالي مع بنت انجليزيه يبقي حلال ولا حرام
لا والله طيب اعملها كده وانا وابنك هنقطم رقبتك
محمود طيب وريني كده ويحضنها بقوه اكبر وتنام في حضنه وهي مرتاحه لحب جوزها ليها ولأبنهم مازن
يتبع.......
