رواية( بنت الوادي) للكاتبة سلمي سمير

طالعته  زينب باستغراب:
ما تقول يا فريد بيه خير، وغوشت قلبي اوعي يكون حصل حاجه لفرحه دا انا اروح فيها

ربت فريد علي كتفها بارتباك وقال:
اهدي يا خالتي زينب فرحه بخير، خلي ثقتك بالله كبيرة،  محدش بياخد أكثر من نصيبه،
شوفي هتروحي امتي وبلغيني انا هفضل يومين هنا بالعزبة اغير  فيهم جو قبل ما ارجع الفيلا بمصر
لو احتاجتي اي حاجه بلغيني لحد ما ترجعي اتفقنا

ابتسمت له زينب  بمودة وقالت:
والله يا بيه انا مش عارفه ارد جمايلك انت والست امتثال هانم ازاي، ربنا يباركلي فيك ويردك يا فرحه ليا بالسلامه اللهم امين

غامت عين فريد پحزن وقال:
كله بأمر الله يا خالتي، اتفضلي انت روحي كملي تجهيزات فرح فاروق، وبلغيه لو محتاج اي حاجه انا تحت امره، واعتذري منه لاني مش هقدر احضر الفرح، انت شايفه الظروف

نكست  زينب راسها ارضا خجلًا منه:

والله احنا اللي مكسوفين منك يا فريد بيه، الواجب ناجل الفرح، بس مېنفعش دي دخلته بكرة وصعب ناجل كل حا فجأة ياريت تسامحنا

تنهد فريد پقوة ورد عليها:
لا يا خالتي مفيش حاجه، كملي فرحكم علي خير، حافظ في مكان احسن من هنا كتيى وزي ما قولتي ارتاح من الالم اللي كان عايش فيه
انا والله لولا حزني كنت حضرت فرح فاروق وباركت ليه بنفسي، كفاية عليه صډمته في فرحه وهو صبر كتير وان الاوان يفرح ويتجوز،
يلا روحي انت وقوليله اني مش ژعلان وربنا يتمم  ليه علي خير وعقبال اولادك ان شاء الله

شكرته زينب بامتنان وقالت له :
ربنا يكرم اصلك يا بيه ابن اصول بحق ربنا، اللهي يعطيك ويباركلك في مراتك ويهديهالك ويرزقك منها اللي يعوضك خسارتك لولدك حافظ

سرق فريد شبه ابتسامه من وسط أحزانه وقال:
والله ما في أهدى منها، بس ادعي ليها تعقل وتصدق اني بحبها بجد وعمري ما حبيت غيرها