ضحېة التقاليد

وجسدك هذه هي النهاية المتوقعه .
خد بتك علي فوج لغاية منشوف ضاكتور . 
كان هذا صوت همام وهو حزين علي هناء هي أولا وأخيرا حفيدته الذي شاهد طفولتها وشبابها وكان يتمني إن يزوجه بيده الي رجلا بمعني الكلمة .
اقترب محمود من سناء وضم حنين الي احضانه .
حجك عليا يا بتي وتارك هاخده من حبابي عنيه بس أنت شاورى يا بتي . 
حنين وهي تمسح دموعها إنك مسامحني وأني في حضنك مش عايزة حاجة تانيه يا بابا . 
محمود بفرحه
يا ابوووى اخيرا جولتيها يا بتي . 
وهفضل اقولها لآخر نفس ليا يا بابا . 
سناء وهي تقبل يد همام 
ربنا يبارك في عمرك يا حج نصفت بنتي وجبت حجها يخليك لينا يا حج . 
همام وهو يربت علي كتف سناء 
دى الغالية وحجها تار للعايلة كلتها ولا إيه يا يوسف . 
يوسف بحزن 
يوسف يا جدى مبجاش فاهم حاجة ولا خابر حاجة أني الدنيا كلتها انتهدت مره واحده حواليا . 
همام 
خد وجتك يا ولدى ولم تفوج بت عمك هتسمعك صوح يا حنين . 
صمت حنين لم تعرف بماذا ترد هل فعلا هي ستنصت له ام ستبتعد ويكفي ما حدث وتقضي باقي عمرها بجانب اولاد حياه .
ظل حسام محبوس لم تتاخذ حنين قرارها لكن لم يسلم كلا من محمود ومنصور يزورنه يوميا ويبريحوه ضړبا ام هناء لقد اختلت عقليا ونقلت لمشفي الامړاض النفسيه حنين بجانب الاطفال يوسف مختفي في غرفته .
كانوا جميعا جالسون ويشاهدون حمزة وحياه وهم بدأو بالحبو ام طريقة حياه للحبو كانت مختلفة كانت وهي جالسه كان الجميع يضحكون عليهم يوسف واقفا علي السلم ويراقبهم من بعيد .
سناء 
حياه بتزحف كيفك يا حنين مني خفيفة مشيتي جبل حياه . 
عند ذكر اسم حياه اختفت البسمه من علي وجه الجميع لتدخل حنين. 
يبقي علي كدا بقي حياه هتمشي اسرع ابدا حور وحمزة اسرع حتي شوفوا . 
وحملتهم وظلت تتحرك بهم بسرعه وهي تدغدغهم وهم يضحكون لتمد حياه يدها إلي حنين لترفعها حنين وتفعل معها مثل اخوانها .
ظل يوسف يراقبها وهي تضحك وتجرى وتلعب كيف لها أن تعمل كل هذا وهي بداخلها كم من الۏجع الكبير .
اقترب منها يوسف 
حنين رايد اتحدت وياكي . 
حنين بخجل 
اتفضل . 
مش إهنا تعالي معايا . 
ومسك يدها وسحبها خلفه بقوه جاء محمود يتدخل 
استوقفه همام .
هملهم لازمن يتحدتوا خليهم يعيشوا بجا . 
في مكان بقرب من البيت لكن بعيد عن اعين الجميع
هتفت حنين بغيظ من فعلته 
اتفضل خير يا دكتور . 
يوسف رافعا حاجبه
دكتور ! حنين أني عايز اجولك أني عشجتك بس حطي روحك مكاني أني اكتشفت أن حياه مجرد اعجاب وبس طول الوجت بدور عليكي يوم مۏت حياه رجعت وكت وحشاني جوى لجيت حياه في وشي لم جولت إنك وتين جلبي مكدبتش يا وحنين بس مۏتها وجعني اني خنتها كان لازمن ارمي الخيانه علي كتف حد وكتي أنت اللي جدامي سامحيني يا حنين ولو علي حجك من حسام وغلوتك عندي لدفنه بالحيا . 
حنين وبدموع 
خلصت كلام عارف يا يوسف لم قلت ليا اني حبيبتك كنت مقسومة نصين نص فرحان أن حب عمرى ملاكي شفني وحبني زي ما بحبه والنص التاني شايف اني خاينه ورخيصه عارف لم كنت بتضحك كانت الدنيا كلها بتضحك طول الوقت مستنياك طول الوقت انت دنيتي وأنا بالنسبة ليك هوا ولا شايفني كل اللي كانوا واقفين وبيجيبوا حقي كانوا مش مهمين زى ما أنا مستنيه انك أنت اللي تحيب حقي يوسف لو أنت حاسس إنك خاېن فأنا خاينه من زمان قوى من يوم ما كنت بمثل أن فرحانه بفرحتك مع حياه وأنا بمۏت . 
يوسف وهو يقبل يدها 
حجك عليا وتين جلبي وحجك هجيبه وهتشوفي . 
حنين بقلق ة
والمستقبل . 
يوسف بإبتسامة 
المستجبل لينا أني وانت وولادنا يا وتيني . 
ومش هتقول ليه اكمل حياتي مع واحده . 
اوعاكي تكملي أنت ست الناس جولي موافجه بجى . 
حنين 
اشوف تارى من حسام الاول .
يوسف بغيره 
متجبيش اسم راجل علي لسانك تاني واصل . 
حنين 
مفهوم . 
في مكان حسام 
دخل يوسف وحنين معه اقترب منه يوسف بغل وبدون اي حديث قام بضربه بكل قوته .
حنين پخوف علي يوسف 
كفاية يا يوسف ھيموت في ايدك كفاية علشان خاطرى خلاص سيبه لربنا . 
يوسف بمكر وهو يقبل رأس حنين 
ههمله يا حنين أنت خساره ازفر يدى بدمك النجس.
حنين باستغراب 
قصدك إيه . 
يوسف 
مسعود زى ما هو إكده بربطته دى وهمله في الجبل وهو وحظه عجارب تعباين ديابه أنت وبختك خد الخسيس دا من جدامي . 
حنين بشكر 
شكرا شكرا علي كل حاجة . 
يوسف 
الشكر ليكي يا حنين إنك جوا جلبي . 
طلب يوسف يد حنين من عمها ووافق وقاموا بتحديد موعد للزفاف بعد ٦ اشهر وهذا لعادتهم اولا ثانيا لتكون حنين نفسيا استعدت للزواج جهز يوسف جناح له ولحنين في منتهي الرقة هنا وعز تعارفوا واحبته هنا وهو الاخر بادلها مشاعر صادقة واعترف انه كان سيندم لو وافقت حنين عليه وهي علمت أنه لم يري حنين ابدا طلب والده لها كان من باب العادات فقط ام هي اصبحت رفيقته محمود يعوض سناء وحنين عن بعده حالة هناء تزداد سواء لم يمانع الجد في أن يذهب اي احد لزيارتها لكن الجميع رافض ماعدا صفيه كانت تذهب لها مرتين بالشهر توالت الأيام والشهور ووصلنا لليوم الموعود جهز الجد فرحا كبيرا لاحفاده لم تشتري حنين فستان زفاف وكانت سترتدى فستان حياه الذي هو بالاصل بفستانها.
داخل غرفه حنين
كانوا يجهزون وعندما مدت يدها لتفتح الدولاب لتردي الفستان لم تعثر عليه صدمت وكادت أن تبكي حتي دخلت عليها سناء وصفيه وهم يحملون فستان اروع مما كانت تتمناه.
ايه دا بتاع مين . 
قالتها وحنين بسعادة ممزوجه بالدهشه .
سناء 
فستانك يا جلبي جوزك اشتراه ليكي مخصوص . 
حنين بدموع 
بجد دا فستاني. 
صفيه 
لاه مفيش بكي دلوجيت عندينا فرح وأجهزى طوالي الراجل اللي هيصوركم تحت . 
خرجت صفيه لتري ابنتها وبقيت سناء 
ماما دا بجد النهاردة فرحي علي يوسف ودا فستاني وحقي من حسام خدته وفي وسط عايلتي صح . 
سناء 
انت طيبه يا بتي وتستاهلي كل خير يلا اجهزى جوام . 
بالفعل ارتدت حنين الفستان وتم عقد القران واستلمها يوسف وخرجوا للحديقة الخلفيه واخذوا بعض من الصور وكانت فرحة حنين لا توصف .
بجيتي كيف الجمر لاه جمر إيه دا الجمر يستحي منيكي وأنت اجمل منيه أكده . 
هتف بها يوسف بحب واضح 
حنين 
يوسف بتكسف المهم فاكر وعدك. 
يوسف بتاكيد فاكر يا وتيني يلا بينا همي احسن يفتكروا ههربك وياكي جبل الفرح . 
امام قبر حياه
يوسف
كيفيك يا حياه اتوحشتك جوي العيال بجي عنديهم سنه وبيمشوا ومجننين الكل النهاردة انا وحنين هنتجوز خابر إنك لو لسه عايشة مكنتيش هتمنعي لانك بتحبيني واحنا كمان واني هحافز علي ولادنا وعلي وتين جلبي وهحميهم من اي ۏجع أو
جلج .
حنين 
حياه تؤامي وحشتيني سامحيني أن مقدرتش بس بحبه اعمل ايه والله حاولت بس القلب مفيش عليه سلطان ولادك في عيني وقلبي دول هدية منك وواوعدك انهم اهم حاجة في حياتي هتوحشينا اكتر واكتر بس ولادك وسطينا .
دعوا لها ورحلوا وتركوها ليبدؤا حياتهم بدون قلق ولاخوف حياه مليئة بالحب حياه بها روح حقيقية . 
حياه بدون خېانة .........