رواية رائعة للكاتبة سمية بلال

بتهايالى فى واحدة منهم اسمها فرحة بس ايه كبرت وبقت عروسة بس قولى لما واحد يتجوزها وبعدين يطلقها ويرميها رمية الكلاب زى مانت طردت ناس زمان تفتكر ايه اللى هيحصل ونظرة الناس ليها هتبقى ايه
علام پخوف الله يباركلك هى ملهاش ذنب مش تاخد حد بذنبى اعمل فيا اللى انت عايزه بس متجربش ليها
بدر بكره الحنية مش لايقة عليك ياعلام بس انا هطلع اجدع منك واقولك هما فين هما فى القاهرة روح بقى ودور بيت بيت لحد لما تلاقيهم سلام
علام الو الو الو 
........................................
عامر فهمت هتعمل ايه بس من غير اذية فاهم
بدر فرحة تتجوزينى
فرحة انا مش موافقة يابشمهندس
الدكتور للاسف عندها ڼزيف فى المخ لو الاربعة والعشرين ساعة اللى جايين عدوا على خير هتكون دت مرحلة الخطړ
البارت الخامس عشر
فرحة مين اللى كان على التليفون ياعلام
علام معرفش معرفش مرضيش يجولى على اسمه 
فرحة وانت متعصب ليه هو جالك حاجة ضايجتك
علام بنظرة کسيرة هو عارف ولاد حسن فين وباين عليه عايز ينتجم منى فيهم 
فرحة وهى ټضرب صدرها يانهار باين من اوله ياعينى عليك حسن وعلى اولادك مش مكتبوب ليهم يفرحوا
علام اسكتى بقى يافرحة مش وجت ولولة خلينى افكر هعمل ايه ثم نادى على عثمان 
وقاله عثمان هو اجرب مكان من قريتنا ايه يعنى لو خرجت منها ايه اول مكان جريب منها تجدر تروحله
عثمان وهو بيفكر المنصورة ايوة هى اجرب مكان من هنا 
علام وهو فرحان انه لقى خيط يوصله ليهم خلاص خد الرجالة وابنك منصور معاهم بما انه حويط ومتعلم واسالوا عليهم حتى لو اضطريتم انكم تلفوا شارع شارع وبيت بيت
عثمان تحت امرك ياحاج 
فرحة ياماما انا مش عارفة انك مش موافقة ليه 
فاطمة بت انتى مالكيش دعوة انا حرة وبعدين ده لسه بيدرس يعنى مش ناضج مش هيعرف يشيل مسؤليات وكمان اختك لسه صغيرة
فرحة ياماما تنكرى اننا محتاجين راجل جنبنا يساندنا ويقف معانا قوليلى لو حاجة حصلتلنا هنلجأ لمين انا عارفة ان ربنا معانا بس برضو محتاجين ضهر لينا
فاطمة وهى اقتنعت بكلامها بس برضوا قلبها مش مرتاح لا لا لا انا قلت كلمة ومش هتنيها لا يعنى لا
فرحة اوووف انتى راسك ناشفة لمين ياماما
فاطمة بتقولى ايه مش سامعة
فرحة بقولك ابقى استحملى بقى لما تلاقى بنتك كدهون قلبها اتحرق وتفضل ټعيط وټعيط لحد لما يجيلها اكتئاب ونفسها تتسد وبعدين تجرى بيها عند الدكاترة علشان تتعالج
فاطمة تهم ان تضربها بعد الشړ عليها امشى يابت من قدامى بدل ماطلع زهقى عليكى
جريت فرحة من قدامها ودخلت الاوضة لقت ورد قدامها ها وافقت ولا لا
فرحة وهى حزينة على اختها نزلت راسها
ورد بحزن انا عارفة انها مش هتوافق
فرحة فكرت وفكرت ثم نطت من مكانها لقيتها يابت يادودو
ورد لقيتى ايه
فرحة انا عندى خطة لو مشيتى عليها ماما هتوافق
ورد ونطت من مكانها هى كمان بجد ايه هيا
فرحة تعالى اقولك
..............................................
وائل الله الله الله عاامر مرة واحدة عاش من شافك ياصاحبى خير ان شاء الله 
عامر هو اللى بيشوف وشك يبقى جاى فى خير حرامى هكون جايله ليه علشان يوزع بلالين 
وائل ايه ياعم براحة عليا وبعدين شغلانتى دى ليها سمعة هدى صوتك 
عامر هههههه بلا سمعة بلا جمعة بقولك ايه انا عايزك معايا مشوار 
وائل عينيا ياصاحبى بس مشوار ايه 
عامر استغفر الله العظيم تعالى معايا وانا هقولك واحنا رايحين
..........................
تانى يوم
فرحة كانت قاعدة على مكتبها وبتشوف شغلها لقت شريف قدامها وقالها ازيك ياانسة فرحة 
فرحة باحترام الحمد لله يااستاذ شريف 
بعدين شريف فضل شوية من غير كلام وكل شوية يمسح وشه بالمنديل من التوتر
فرحة استغربت وقالت خير يا استاذ شريف حضرتك عايزنى فى حاجة
شريف فى الحقيقة انا عايز حضرتك فى موضوع وعايز اعرف رايك
فرحة طب اتفضل اقعد وقول ايه الموضوع ده طالما ليه علاقة بالشغل
شريف احم احم فى الحقيقة الموضوع مالوش علاقة بالشغل الموضوع شخصى شوية
فرحة استغربت ومعرفتش قصده وقبل ماترد سمعت
بدر ايه ياشريف سايب مكتبك ليه فى هناك زباين كتير
شريف استغرب لان قبل ماييجى مكنش فيه حد طيب انا هستأذن انا وبعدين لف لفرحة وقالها بابتسامة هبقى اجى تانى علشان اكمل كلامى
فرحة وهى مش فاهمة حاجة هزت راسها بنعم
بدر بغرور هاتى ملفات النهاردة على مكتبى وتعالى وسابها ومشى
فرحة وهى بتلم في الملفات قالت بتذمر جاتك ضړبة فى صباع رجلك الصغير
خبطت ودخلت والقت السلام وبعدين سمعته بيقول
ياريت الحصل ده مايتكررش تانى المكتب مش مفتوح كافيتريا
فرحة نعم حضرتك بتكلمنى انا
بدر يرفع احدى حاجبيه لا بكلم الهوا اللى وراكى هو فى حد هنا غيرك وانا مش عارف
فرحة بصوت واطى هو انا اقول كلمة يرد بعشرة
بدر بتقولى حاجة مسمعتش
فرحة بقول حاضر يافندم
بعدين قال وهو بيمضى على الورق ها نقول مبروك ولا لسه
فرحة وهى مش فاهمة حاجة نعم مبروك مبروك على ايه
بدر قال وهو لسه مبصلهاش على خطوبتك مع شريف باين عليه معجب بيكى
فرحة اتنرفزت من كلامه ولكن قالت لتغيظه بجد مكنتش اعرف وبعدين دى حاجة خاصة بيا ومش هاسمح لحد يتدخل فيها عن اذنك
بدر فرحة
فرحة بصت ناحيته نعم يافندم
بدر بغموض تتجوزينى
فرحة غمضت عينيها وفتحتها ايه انت قلت ايه
بدر بقولك تتجوزينى
فرحة انا مش موافقة يابشمهندس عن اذنك
بدر ببرود مستفز على فكرة انا مش باخد رايك انا بعرفك بس انا هاجى اطلبك وولى امرك هو اللى هيدينى الرد
فرحة اتنرفزت من كلامه وكانت عايزة تروح تديله بوكسين يظبطوه او تضربه بفازة على راسه يمكن يفقد الذاكرة ويتعدل شوية قالتله پغضب عن اذنك ومشيت
طلعت فرحة وقعدت على مكتبها وفضلت تفكر فى تصرفات بدر الغريبة حاسة انه يعرفها او بيحاول يوصل لحاجة قطع عليها صوت والدته صباح سلام عليكم 
فرحة بادب وعليكم السلام اى خدمة يافندم 
صباح بابتسامة باين عليكى جديدة هنا 
فرحة وهى تبادلها الابسامة اه اانا متوظفة قريب حضرتك تؤمرينى بحاجة 
صباح مش يؤمر عليكى ظالم يابنت انا والدة بدر 
فرحة بدهشة بجد اهلا بحضرتك تشربى حاجة 
صباح لا شكرا انتى اتخضيتى كده ليه 
فرحة بعفوية اصل هو مش زيك خالص ده هو مغرور اوى وبار بعدين حطت ايديها على بقها وقالت احم احم انا اسفة 
صباح هههههههه متتاسفيش محصلش حاجة بس انت واخدة فكرة غلط عنه ده عمره ماكلم بنت ده بيتكسف اوى ده ادبه الزائد وكرمه طمع الناس فيه
طول لما صباح كانت بتتكلم فرحة كانت مبرئة وفاتحة بقها مش مصدقة كلامها وبعدين قالت فى نفسها القرد فى عين امه غزال بعدين قالت باستغرب حضرتك تقصدى الاستاذ بدر اللى قاعد جوه
وقبل ماتجاوب طلع بدر واتفاجأ ان والدته هنا راح ليها وباس اديها وقال لفرحة بادب من غير مايبصلها لو سمحتى ياانسة فرحة ممكن لو فاضية تقولى لعم عبده يجيب اتنين شاى
فرحة ببلاهة هزت راسها باه ومشيت وهى مستغربة قالت والله الرجل ده عنده انفصام فى الشخصية 
............................
كانت ورد فى رايحة الجامعة وهى فى الطريق عند المدخل لقت طفل بيبع اقلام ومناديل ومفيش حد بيشترى منه كله بيبصله نظرة تقزز وقرف ولما راح لواحدة وقرب منها وقالها مناديل يا