رواية رائعة للكاتبة سمية بلال _٣

الحلقات 18 19 20
البارت الثامن عشر
صباح يوم جديد
استيقظت من النوم مبكرا لتجهز الافطار لمن ملك روحها وفكرها كانت تضع الاطباق وترتبها على الطاولة بسعادة غامرة فحياتها اصبحت جميلة بل لم تكن من قبل على قيد الحياة فالان ادركت حقا معنى السعادة قطع عليها تفكيرها 
بدر بحب صباح الخير يا فرحتى 
فرحة احمرت وجنتيها خجلا صباحك رضا وخير
بدر صاحية بدرى ليه 
فرحة كنت بجهز الافطار يلا قبل مايبرد
بدر قعد حاضر باسم الله بعدين بشوية لقى فرحة مشيت بعيد عنه 
راح ليها ومسكها انتى رايحة فين
فرحة بمكر قالت وهى تمثل الحزن هروح اقعد هناك لما تخلص أكل 
بدر لا تعالى افطرى معايا مين اللى قال كده
فرحة بمسكنة انت اللى قولت كده
بدر ينظر اليها نظرة عاشق ده انا كنت عبيط لما قلتلك الكلام ده بعد كده مش عايزك تقومى من جنبى ابدا عايز اشوفك قدامى على طول 
فرحة قالت بخجل لتهرب من نظراته هروح اجهز الشاى واجى على الطول
جلس بدر فى مكانه بسعادة الان ادرك انه كان على خطأ لانه حرم السعادة على نفسه وهى بين يديه الان عرف ان قلبه ليس به ادنى مكان للاڼتقام استطاعت هى بكل بساطة ان تحكم سيطرتها على قلبه وتجعله اسيرا لها 
تراجع عن انتقامه وقرر انه لن يكلم علام بعد الان
يا قلب هيجت أشواقا أخفيها .. قد حارت من جهله وحار الحب فيها
سهما رميت يؤانسني وينذرني .. ويقول قومي له فما كان الحب تيها
فرحة بابتسامة اتفضل الشاى
بدر مسك ايديها وباسها تسلم ايدك ياحبيبتى
فرحة ابتسمت ليه بعدين قالت بدر هو انت ليه معارض انى اشتغل
بدر بجدية بصى يافرحة انا دايما بحب ان مراتى يكون كل اهتمامها ليا انا ودى مش انانية منى لا لانى عايزها على طول فاكرانى ومهتمية بيا وببيتى واولادى لانها لو اشتغلت الشغل هيشغل تفكيرها واكيد هيكون فى نصيب من التقصير وعدم الاهتمام بالنسبة لينا وده بيكون ڠصب عنها ومش بتبقى حاسة بالتغيير ده خالص بس انتى لو عايزة تشتغلى انا معنديش مانع مع انى ضد كده بس اهم حاجة عندى تكونى مبسوطة ومرتاحة
فرحة فرحت لانه مش اخد الموضوع عند وفهمها وجهة نظره بكل هدوء وكلامة خلاه يعلى فى نظرها اكتر
قالت براحة وانا اهم حاجة عندى رضاك علشان كده كل وقتى هيكون ليك وطالما انت هتبقى متضايق 
يبقى بلاش
بدر بعدم تصديق متاكدة 
فرحة بسعادة هزت راسها بايجاب بعدين بدر مسك ايديها وباسها وقال ربنا مايحرمنيش منك
مشكلة الشغل بالنسبة للمرأة غالبا ماتكون سببا فى مشاكل مستمرة بين الزوجين وتكون الحياة بين مد وجزر فيصر الرجل على رأيه بعدم اهمية نزولها وانها لا تقدم ولا تأخر ووجودها مثل عدمه فهنا اشعل روح العناد والتحدى لدى الأنثى واصبح كبرياؤها يمنعها من الخضوع لرأيه وان كانت قبل ذلك مقتنعة برأيه ولكنها كانت تريد منه شيئا اخر كانت تريد منه ان يحتويها ويخبرها بانها تستطيع فعل أى شىء ولكنه لايستطيع ان يتخلى عنها وانه يشعر بالغيرة من نظرة الغير لها كانت تريد منه ان يمتدحها حتى وان كان كڈبا فهى تريد من شريك حياتها ان يراعى وجودها وان يشعرها بأن لها دورا مثله وان كان دورها أكثر اهمية منه فأرجوك احتويها ولا تبخل عليها بعبارات وكلمات لا تاخذ منك ادنى جهد ولا وقت فحينها صدقنى سترتفع مكانتك لديها وستسعى لارضاءك حتى لو كان ذلك على حساب سعادتها 
سمية بلال 
ورد بحب ازيك يابيبة اخبارك ايه وحشتينى اوى 
حبيبة بحب مماثل وانتى كمان والله وحشتينى اوى
ورد بقولك ايه ماتيجى عندى وتقعدى معايا شوية علشان عمار عازم صاحبه وانا هبقى قاعدة لوحدى
حبيبة بتفكير ماشى موافقة ان شاء الله هاجى لانك وحشانى اوى 
ورد خلاص يابيبة مستنياكى هتعوزى حاجة
حبيبة لا يا حبيبتى فى امان الله 
ورد فى امان الله
قفلت من حبيبة ولقت عمار لابس وجاهز 
ورد راحت ليه ايه يا حبيبى هتنزل دلوقتى
عمار اه يادوب علشان اوصل قبل الميعاد 
ورد وهى تلعب فى يدها اممم عمار عملت ايه فى موضوع اللى كلمتك عليه
عمار باستغراب أى موضوع 
ورد موضوع الشغل انت مش قولتلى هتشوف الموضوع ده
عمار وهو يتنهد لسه مصرة برضو 
ورد مسكت ايديه وحياتى عندك ياعمار علشان خاطرى نفسى اشتغل نفسى احقق حلمى
عمار باستسلام بتمسكينى من ايدى اللى بتوجعنى انتى عارفة خاطرك عندى ايه عموما يا حبيبتى انا فعلا قدمت ليكى فى الشركة اللى بشتغل فيها لو الوظيفة مجتش يبقى خلاص لانى هبقى قلقان عليكى لو اشتغلتى فى مكان تانى
ورد بتفكير ردت بابتسامة موافقة ربنا يخليك ليا
عمار بشقاوة حاف كده
ورد بخجل قبلته على خده وقالت ها مبسوط كده 
عمار بشقاوة اكثر قال وهو يشاور على خده الاخر وده هيزعل
ورد ردت عليه بضحكة هههههههه لا خليه يفوت بكرة بقى 
عمار وهو يمثل الحزن يلا معلش دايما حظك قليل ياواد ياعمار ربنا معاك
ورد ماسكة الضحكة على شكله بعدين ضحك ليها وقالها يلا يا حبيبتى هتحتاجى حاجة انا نازل
ورد لا توصل بالسلامة صحيح هو انتم هتاكلوا على الساعة كام علشان الاكل يكون جاهز
عمار ياحبيبتى انا مش عايز اتعبك انا قلتلك نتعشى برا وخلاص 
ورد لا ياحبيبى ولا تعب ولا حاجة اه نسيت اقولك حبيبة هتيجى تقعد معايا بدال مااقعد لوحدى
عمار ماشى يلا بقى خلى بالك من نفسك ولو احتجتى حاجة اتصلى عليا 
ورد ان شاء الله
قبل ماعمار يطلع ورد ندهت عليه عمار 
عمار الټفت ليها راحت ليه وحضنته وقالت استودعك الله الذى لاتضيع ودائعه خلى بالك من نفسك
عمار بحب غامر ربنا يخليكى ليا وبعدين قال بابتسامة انا بقول بلاه الشغل النهاردة 
ورد ههههههههههه قالت وهى بتزقه ناحية الباب يلا بقى هتتاخر فى امان الله 
عمار ههههههههه فى امان الله
منصور ايه رايك ياحاج ده المكان اللى هنقعد فيه 
علام مش مهم المكان يامنصور المهم جلبى يرتاح واملى عنيا منهم جبل ماربنا ياخد امانته
منصور ربنا يطول فى عمرك ياحاج 
علام الاعمار بيد الله يابنى
منصور ونعم بالله 
علام جولى يامنصور هما فلحوا فى علامهم
منصور ايوا ياحاج اللى عرفته ان فرحة خلصت جامعتها من زمان وورد لسه مخلصة السنة دى وكلهم واخدين جامعات ترفع الراس 
علام بعدم تصديق ورد هى بنتها الاخيرة اسمها ورد
منصور ايوا ياحاج 
علام بندم والله امهم دى اصيلة بنت اصلة انا ندمان على ظلمى ليها ولحسن ربنا يسامحنى
منصور بحزن عليه حاول التفريج عنه قليلا ايه رايك ياعمى ترتاح شوية وبالليل ان شاء الله هفسحك حتة فسحة هترجع فيها تلاتين سنة لورا
علام ههههههههه انت لسه بكاش ده انا قلت انت كبرت وعجلت 
منصور ايه ياحاج الواحد لازم يفرفش كده عن نفسه
علام طيب يا ابو الفرفشة انا هجوم اريح شوية
دخل علام الى الداخل تاركا فى الخارج قلبا عاشقا سارحا فى ذكرياته
منصور انتى يابت انتى مين ومين اللى جابك هنا 
فرحة انت مالك وطلعت لسانها ليه ومشيت
منصور لحقها استنى مش هتجولى انتى مين وبعدين ايه الفستان الجصير اللى انتى لابساه ده 
فرحة وهى مش فاهمة حاجة ايه يعنى ايه جصير
منصور يعنى صغير 
فرحة بطفولية قالت وهى بتلف بيه