رواية ( چحيم عاشقة) للكاتبة/ سلمي سمير
قال بتعجب"
حلمي معاكي؟ واو, إنتي كرميلة (ويطلق تصفيرة إعجاب), إنتي كبرتي وإحلويتي إوووي, اللي يشوفك وإنت صغيرة, ميتخيلش إنك هتبقي جميلة إوي كده لما تكبري, معقول لسه فاكرة كلامي كل السنين دي كلها؟
بس ده كان طيش شباب وإنتي كنتي طفلة, بس اللي فاكره, إني كنت عايزإتجوزك لإني كنت بحب هاشم أوي, ونفسي نرتبط ببعض أكتر, بس إنتي بقيتي مهرة بجد, وجمالك يبهر, وكويس إني حققتلك حلمك وإتجوزتك".
بثقة قالت"
إنت مغرور, إنت مش حلمي ولا حاجة, كنت رفيج طفولتي وبس, ومن پکړھ هتبجى جوزي وولي أمري, يعني شريك حياتي, ومتحلمش إني هخضعلك وأكون مسلوبة الإرادة لأنك مهندس كبير وحلم أي بنت من عيلتك, لكني بت الشيخ سليم الشهاوى, وهبجي كمان دكتورة ومثجفة جوي, وهشتغل بشهادتي, يعني أنا حلم لأي شاب من عيلتي, ولولا إني وافجت على زواجي منك عشان أشيل سيف الټار اللي متسلط على خواتي, إستحالة كنت أوأفج عليك من أساسه, وإفهم زين إني زيك في المجال ند الند يا واد الحج منصور".
وتركته وخرجت وإصطدمت بأخيها هاشم و ركضت.
فقال هاشم مبتسما"
معلش, مكسوفة رغم إنها كانت بتحب تجعد على رجلك لما كنت تيچي تلعب معايا شطرنچ, إلا صُح؟ لسه بتلعبه؟"
ضحك ظافر"لأ، بلعب حاجة تانية, وشكل أختك حكايتها معايا حكاية, تتصور إنها بتتحداني وتقول لي إنها ند ليا".
هاشم بثقة "فعلا, خيتي ند ليك, ومتنساش إن اللي يتجوز صعيدية لازم يعرف إنها مش بتبجي تحت مداسه, بتكون بسوى رأسه, وخيتي بأخلاجها وعلامها ست البينتة, ولأنك چوزها فإنته مبخوت بيها, مش علشان خيتي؟ لاء لكنها زينة، زينة صُح".
قطب ظافر جبينه"
ياه أنا شكل أوروبا نسيتني كل عادات وتقاليد وتربية بنات الصعايدة, وأنا مش عارف هتعامل مع أختك كوثر إزاي؟"
طمأنه هاشم"
متجلجش إكده؟ خيتي عارفة آداب دينها, وإنها لازم ترضيك, وتكون طوع ليك كزوجة وشريكة لحياتك, وهتريحك".
قال متشككا"
آه, واضح, طيب أنا ماشي علشان ألحق الجوازت, وأنزل أختك على جواز سفري كزوجة, وهستناك پکړھ في الفرح, سلام".
صعدت كوثر لغرفتها ڠlضپة، وأغلقت الباب بقوة, وجلست على سريرها وألقت نظرة على شوراها من لانجيري وبيبي دول والحقائب التي جهزتها لكي تأخذها معها غدا, وأمسكت صورة أمها وإحتضنتها وضحكت بمرح"مغرور وعنيد وبيحسب نفسه أحسن مني، لكني عرفته جيمتي ومكانتي, أباي عليه, وسيم جوي جوي يا أماي, ليه حج يتغر بنفسه جوي إكده, ورغم إكده بحبه, وعاشجاه جوي يا أماي, بس باينه جرئ جوي, معاشرته للأجانب غيرت طباعه وخايفة أتعب معاه, ويا عالم إيه متخبي ليا معاه في بلاد بره".
طمأنها طيف أمها"مټخlڤېش يا بتي, ربنا هيسترها معاكي, بإيمانك وتجواكي, حافظي على نفسك بأخلاجك العالية, وأنا معاكي ماهافرجكيش أبدا،(وتضع يدها على رأس ابنتها)ربنا يحفظك من كل شر, وييسرلك حالك, ويهدي ليكي جوزك"(وتحضنها بقوة)
وفي صباح اليوم التالي الكل إستعد للزفاف، وجاءت الحنانة للعروسة ترسم لها الحنة لإنهم لم يفعلوا ذلك أمس لإنشغالهم بكتب الكتاب, وتزينت كوثر بالمصاغ والذهب وأصبحت كالأميرات بفستانها الأبيض المنفوش وكذلك سميحة.
وفي أكبر قاعة من قاعات الزفاف بالصعيد نزل هاشم وفي يده أخته وسلمها لعريسها ظافر, وكذلك نزل فارس بسميحه وسلمها لعريسها بدر وكل منهم رفع طرحة العروس.
قال ظافر غامزا"واو!!! إنتي عايزه تتآكلي أكل, أنا بتخيل اللحظة اللي هيجمعني بيكي فيها سرير واحد, هتبقي ليلتك بيضا زيك".
