رواية( چحيم عاشقة) للكاتبة/ سلمي سمير
ضحك ظافر" أعمل إيه, جمالك يجنن, وبصراحه نفسي أستكشفك وأعرف كل خباياكي, يا عروستي الجميلة"
بينما قال بدر متعجبا "واه, بتجولي حلم, آنا كُت حلمك, لاه, أنا لازم أعرف الحكاية كلاتها منك, أول ما نروح دارنا, يا ملاكي الچميل".
أعيى الصبركوثر و قالت "والله ما حدا عايز يستكشف التاني غيري, وأعرف إيه غيرك إكده, وبدل أخلاجك وأحوالك يا ظافر".
غمزلها ظافر"كلها كام ساعة, وهنستكشف بعض زي ما إحنا عايزين, وساعتها هتعرفي كل حاجه في وقتها, متقلقيش".
هزت رأسها "مش جلجانة, أنا محتارة فيك".
بينما أخفضت سميحه رأسها "كسفتني جوي جوي يا بدر, وخايفة من لحظة إنفرادك بيا, طمني بحنانك عليا يا زينة الشباب, ټحضڼ إيدك بإيدي وتطبطب عليا بمودة وحنان".
طمأنها بدر "متجلجيش, إنتي هتبجي شريكة عمري كله, ولازم أحافظ عليكي وأراعيكي وأتجي ربنا فيكي, يا أم أولادى بإذن الله".
إحمر وجه سميحة خجلا ورقص قلبها من الفرحة.
أما كوثرفلقد شعرت بالرعشة و الخۏف من نظرة الړغبة في عيون ظافر كأنها فريسة يريد أن يلتهمها بنهم ووحشية.
وبعد أكثر من ساعتين بدأ المهنئون بتوديعهم.
صحب ظافركوثرإلى داره ليستعد للسفر إلى القاهرة، لكي يلحق بطائرته المتجهة إلى ألمانيا قبيل الفجر.
أما بدر فقد رافق سميحة إلى داره، وطلب منهم عدم مطالبته بالشال لأنه شيء يخصه هو فقط, ويريد أن يبدأ حياته مع زوجته عندما تستعد لليلتها الأولى معه.
وهنأ المأمور والعمدة الشيخ سليم والحاج منصور لإتمام الزواج والصلح بينهما على خيرلتنعم العائلتان بالسلام والراحة والأمان.
في دار بدر وعروسته سميحة
حمل بدرسميحة وفتح لها باب الدار, وأنزلها ونظر لها وقال
"إسمعي, من دلوجيت إنتي ست الدار, هتبجي أمي وأختي وعشيجتي وحبيبتي وشريكتي في كل أفراحي وأطراحي, ومن اليوم حياتك هتبجي معايا, وسرك سري, وأي شيئ يضايجك مني جولي ليا ومتخبيش عليا شيء، أنا هراعي ربنا فيكي, وإنتي صوني إسمي وشرفي".
ابتسمت بحب
"إنت اللي من اليوم كل حياتي, ودنيتي, هصونك بروحي ونفسي, وكل نجطة ډم مني, ربنا يحفظك ليا يا عمري".
ليقول بمحبة و إعجاب
"أباي حديتك زين, تعالي تنعشى سوا الأول, وتجعدي تحكيلي إزاي أنا كنت حلمك, ومتخافيش, أنا مش مستعچل, جدامنا العمر كله, وجت ما تكوني إنتي مستعدة هنبدأ حياتنا الزوجية اللي بأمر الله تستمر العمر كله".
