رواية حازم بقلم رحاب عمر وهبه ٢

انا طلعت احسن منك و كلمتك انا
أعادها اسفها بعمق اسفه
قال لها لا أسفه دي مش هتنفع انتي ظلمتيني جامد 
قالت بصوت ملبد معلش
قال لها اصرفها فين دي انا مش هرضي عنك الا لما تيجي تتأسفي علي أرض الواقع
قالت حاضر
اسامة امتي
نور بعد بكره
اسامة بغيظ وبعد ليه ما تخليها بكره بس
نور مش هينفع بكره 
قال پغضب يعني مش عارفه تيجي علي نفسك برضه علشاني
نور بلهفة معلش يا اسامة انا تعبانه علي ما اقدر افوق شويه
اسامة تعالي ولما هتشوفيني هتشفي علطول
نور اكيد
اسامة يعني بكره
نور معلش يا اسامة استحمل لبعد بكره
اسامة بنفاذ صبر بس بشرط تيجيلي زي ما انا عاوزك وما تزعلنيش منك تاني و تعانديني و تيجي بالشوال الاسود
نور بتردد حاضر
اسامة بتهليل و هو ينظر لصديقه بإنتصار مشتااااق انااااا مشتااااق
ابتسمت نور و هي ترتشف بقايا دموعها داخل عينيها فمن اللحظة لا مزيد من الدموع كفاها ألما فقد تشبع قلبها ۏجعا و علت روحها عذابا و هاهي الآن علي مشارف مرحله جديده من عمرها لن تسنح لأي شئ في الوجود تعكيرها ثانيه
فاقت من شرودها علي صوته طيب يا بيبي اسيبك تريحي بقي و في انتظارك
قالت له مش هسمع صوتك بكره
اسامة لا انا لسه زعلان و مش هروق ولا اسمعك صوتي إلا لما تيجي تصالحيني الاول علشان كده قلتلك بكره بس انتي اللي مصممه تعذبينا
نور اسفه يا اسامة ڠصب عني
اسامة ماشي في انتظارك الساعه كام
نور اذان الظهر
اسامة ماشي يلا اسيبك بقي تريحي من كتر العياط
نور لا برتاح لما اسمع صوتك
اسامة بفرحه لهذا الانتصار العظيم وانا مش هريحك الا لما تصالحيني
نور حاضر
اسامة يلا سلام
نور مع السلامة هتوحشني
اسامة مش هصدق 
نور لا صدقني
اسامة بعد بكره هبدأ اصدق
نور ماشي
اسامة مع السلامة
ثم اغلق الخط حتي لا يعطيها فرصه للمزيد من استدراجه في الحديث حتي يترك ڼار قلبها مشتعله كي لا تتأخر عليه
انهي اتصاله و بدأ في هيستيريا ضحك ساخر منها و من صديقه الذي
وقف يصفعه بنظرات غيظ لأنه سيخسر الرهان
أما نور فظلت تحتضن الهاتف لصدرها و هي مغمضه العينين تاكره لقلبها يستشعر لذه فرحتها بعودة حبيبها 
ثم قامت وقالت انا اقوم من دلوقتي اخطط ده هلبس ايه تحت الاسدال علشان اخلعه في الجامعه و هاخد الميك اب في شنتطي و اقوم من دلوقتي اظبط مسكات و شويه روشنه كده لوشي و هروح بكره الكوافير يااااه وحشني قوي
الفصل 20
فتحت حسناء عينيها مع أذان الفجر بقيت مكانها مستلقيه علي السرير بكسل فقد نامت متأخرا ليلة أمس بعد مكوثها مقابل الحاسوب ساعات 
كان أول من زار عقلها في هذا الصباح كعادتها في الأونه الأخيره حازم ابتسمت له عندما رأته مقابلها بمخيلتها وقالت موجهة كلامها له صباح الخيريا زومة 
مدت يدها تحت وسادتها بعد ان تذكرت صورته القابعه قريبا من رأسها و اعتدلت جالسه و هي تمسك بصورته بيديها تتأمله بعشق لدقائق وبعدها سمعت صوت ضميرها و هي يقول پغضب هو انا قايمة أصلي الفجر و اخد حسنات و لا قايمة ابص لراجل غريب و اخد ذنوب علي الصبح انا لازم اقطع الصوره دي دا انا هروح الڼار بسببها
صاح قلبها بفزع حازم اقطع حازم بالله عليكي هيهون عليكي تشوفي وشه بيتقطع قدامك
وبالطبع رأفت بحال قلبها و لبت طلبه و وضعت الصورة تحت وسادتها ثانيه وهمت واقفه و خرجت من الغرفه لتؤدي صلاة الفجر 
وبعد ان انتهت من صلاتها و اذكارها عادت لسريرها لتكمل نومها فلم يأخذ جسدها الليله الماضيه قسطا كافيا من النوم
وبعد ان استلقت علي الفراش و استعدت للنوم قامت ثانية و علي ثغرها بسمة وهي تقول لنفسها والله دقايق بس
وفتحت الحاسوب و ضغطت بالفأره علي الملف صوري وبدأت في عرض صوره واحده تلو الاخري تقف عند كل صوره بعض الدقائق تتأمله بعيون تفيض بعشق لا اراديا خارج عن سيطره عقلها حتي بزغت شمس اليوم الجديد
قالت يا خبر ده النهار طلع هكمل بس الصور عالسريع وهدخل انام

دخلت سناء علي نور بعد صلاة الظهر فوجدتها مازلت سابحة في عالم النيام هزتها برفق و هي تناديها يانور بت يانور
همهمت نور بنعاس اه
سناء قومي يلا الظهر أذن و نرمين زمانها جايه
انتبهت نور و مجرد استيقاظها التقط عقلها ذبذبات من الليلة الماضيه فهبت معتدله و هي تقول لوالدتها بحماس هي الساعه كام دلوقتي
سناء و هي تسحب الستار لتدخل الشمس لتخبرها بنفسها اجابه علي سؤالها
نور هو الظهر أذن
سناء من ساعه
بدأت نور تعرض علي والدتها كذبتها التي حاكتها ليلة أمس في هيئة طلب ماما انا هروح الجامعه بكرة قبل درس القران بدري شويه علشان هبه هتسافر السعوديه و عاوزانا نسلم عليها قبل ما تسافر
سناء بتعجب طيب ليه مرحتوش تسلم عليها في شقتها
نور و هي تبتلع ريقها و قلبها يكاد يهوي أرضا من ان تكتشف كذبتها و عقلها يعمل بسرعه لتخطيط كذبه اخري اصلها عاوزه تخرج و تتفسح شويه
سناء بتعجب المفروض انها لسه عروسه
نور هي حره يا ماما المهم انا هروح بكره عالساعه 11 الظهر كده
سناء ماشي يانور
نور طيب انا عاوزة اروح الكوافير النهاردة 
سناء مش انتي لسه كنتي في الكوافير قبل فرح مي 
نور بتذمر و صوت ينذر بنوبه ڠضب وبكاء ماما بقولك ايه ده بقالها اكتر من عشر ايام
قاطعتها سناء بنفاذ صبر وهي تقول نوووووور من غير ۏجع دماغ قومي روحي 
نور وهي تنهض مسرعه طيب انا هقوم ألبس و أمشي
سناء طيب مش تستني تسلمي علي اختك وتتغدي معانا دي جايه في الطريق
نور بعدم اهتمام مش هتقعد معانا لحد يوم الجمعه خلاص هبقي اقعد معاها لما ارجع
واسرعت لترتدي ملابسها دون ان تنتظر من والدتها رد اخر 
خرجت من المنزل و بعد ان ابتعدت قليلا عنه استقلت تاكسي لأحد المولات التي اعتادت ان تشتري منها ملابسها واسرعت تنتقي علي عجله ملابس جديده كما قالت علي ذوق اسامة فهو قد عاد لها بعد طول اشتياق و عڈاب شهور طوال و هي غير مستعده بأن يبعد عنها ثانية و يبقيها وحيدة تتجرع كؤوس مرارة البعد و الهجر
ابتاعت بنطالا ضيقا بلون العسل مشابها للون الجسد و بلوزه من القماش المطاطي الذي يلتصق تماما بالجسد باللون ذاته و بلوزة اخري باللون الاسود الشفاف لترديها فوقه و وشاحا شفافا باللون الأسود وبعدها خرجة بسرعه متجهة لمركز تجميل عالي المستوي قريبا من ذلك المتجر
وبعد ان دخلت و حجزت مكانا لها سمعت اتصالا علي هاتفها فتحته فوجدت المتصل والدتها فردت پخوف من ان تنهرها والدتها
نور الو
سناء اتأخرتي كده ليه يا نور
نور اصل الكوافير زحمة و فيه عرايس
سناء ليه انتي رحتي كوافير غيربتاع ماجده اللي جنبنا
نور بقلق اه اصل ماجده المره اللي فاتت بوظتلي وشي
سناء بعصبية طيب متتاخريش يا نور
نور بقولك زحمه ده انا لسه دوري مجاش
سناء يعني قدامك قد ايه
نور لما
اخلص مش عارفه
سناء طيب يا نور بنا يهديكي وبعد كده قبل ما تروحي في اي مكان تعرفيني
نور حاضر
مرت ساعات ذلك اليوم و نور مغموره في فيضانات سعادة و آمال تبنيها لليوم التالي شغلت يومها بأكمله في التجهيز لمقابلة اسامة

تناول حازم فطارة علي عجله كعادته و قبل ان ينهض غمزت نور لوالدتها ان تطلب من حازم طلبها 
سناء معلش يا حازم ابقي تعالي خد نور علي الساعه 11 الظهر كده هتروح لواحد صاحبتها الجامعه
نظر حازم بعدم رضا وقال لها انا مش فاضي النهارده أجليها ليوم تاني
احتقنت الډماء بوجه نور و كذلك الدموع بعينيها وقالت بشكل تحاول ان يكون طبيعيا النهارده درس القران احنا مرحناش من عشرة ايام
حازم احفظوا في البيت انا مش فاضي الايام دي خالص
نور مش بعرف اواصل
حازم و هو ينهض اللي عاوز يواصل هيواصل
رمت نور مابيدها پغضب بعد خروج حازم وقالت پبكاء طيب وهبه هتسافر من غيرما اسلم عليها خلاص انا هروح بتاكسي
اشارت لها سناء بأن تخفض صوتها حتي لا تثور ثائرة حازم وبعد ان خرج قالت لها خلاص يانور انا وانتي اخر النهار هنروح نسلم عليها في شقتها
نور بعصبيه انا زهقت من حبسة البيت عاوزة اخرج مع صحابي شويه انا هروح بتاكسي
سناء يبقي انتي عاوزة تعملي مشكله و تولعيها ڼار يا نور
نور خلاص يبقي اتصلي علي ابنك و اضغطي عليه يجي ياخدني لأنه لو مأخدنيسش هروح انا
سناء ماشي

خرج حازم مسرعا نحو شركته القديمة بعد ان مر علي شركة متخصصه في تصميم الوجهات الزجاجيه 
بدأ في المرور علي الموظفين بسرعه و التأكد من ان الاوضاع تسير بشكل جيد ثم دخل غرفته و راجع بعض الملفات سريعا و ابقي بعضها لمراجعتها لاحقا ثم هم ان يرحل للمؤسسه الجديده وقبل ان يخرج اتصل علي حسناء
حازم السلام عليكم
حسناء وعليكم السلام
حازم ايوا يا حسناء انتي جهزتي اللي قلتلك عليه
حسناء بغيظ لا
حازم بتعجب علي لهجتها ليه 
حسناء هبدأ حالا علي ما تيجي تاخدني هكون جهزتها
حازم لا معلش يا حسناء النهارد صعب اجي اخدك خلينا للاسبوع الجاي
قالت حسناء ردها الذي جهزته سابقا فقد توقعت تأجيل حازم طيب معلش يا حازم هتعبك معايا لما تبقي تفضي ابقي بس هاتلي جبنه و عيش اصلي مش هعرف اخرج
حازم بحرج اااااااااااه صحيح انا مجبتلكيش طلبات من زمان والله ڠصب عني يا حسناء خلاص اجهزي وهاجي اخدك تروحي درس القرآن وبالمره نور عاوزة تروح ونبقي تشتري طلباتك 
حسناء بفرحة تحاول اخفاءها معلش يا بشمهندس انا تعباك معايا
حازم لا انا اللي مقصر سامحيني
قالت بنفسها مش مسمحاك طول ما انت حارمني منك و مطنشني كده
ردت عليه لا عادي كتر خيرك عارفه انك مشغول
حازم طيب اجهزي بدري شويه اصلي معايا سواق جديد علشان السواق التاني جاله عقد سفر و ده جه مكانه و سواقته بطيئه 
حسناء حاضر
انهت حسناء المحادثة و قامت تتراقص وهي تقول الخطه نجحت الخطة نجحت فعلا ان كيدهن عظيم لو حازم يعرف اني لسه عندي علبة جبنة كامله كويس انه بينسي و مش بيركز بيقولي مجبتلكيش من زمان وهو لسه جايبلي من عشر ايام اكل يكفي جيش
اسرعت تفتح الانترنت تبحث عن طلب حازم الذي طلبه منها منذ ليلتين و انشغلت هي عنه بتصفح صوره و البحث فيها

اتصل حازم من فوره علي نور فانتشلها من بين اعصار بكاءها الشديد و من وسط فوضي غرفتها بعد ان بدأت تفرغ كبت ڠضبها في إلقاء الأشياء هنا و هناك
قال لها اجهزي يا نور علشان اجي اخدك
نور وهي تحاول ان يكون صوتها طبيعيا حاضر
حازم بس بسرعه علشان متأخرنيش
نور عشر دقايق و